مش فاكر كنا بنتكلم ساعتها فى ايه بالظبط ... بس انا فاكر انى قلتله يابوهانى انا صحيح مبعرفش اعوم بس لو بغرق هاعوم !!!
قام اخونا واقف فى مكانه وبص لفوق شوية كده ولقيت اللى كان هيموت على نفسه من الضحك ومن يوميها لحد دلوقتى وكل اما نقعد قعدة فرفشة مع الشلة يفكرنى بيها....
اصلى بعيد عنكم ساعات لما بحب ارد على موضوع بطريقة سينمائية اقوم اجيب كلام ملوش دعوة بالدنيا اساسا .. قال يعنى كده فلسفة بقى ... بس ساعات واللهى بيتفهم والاقى الناس قالتلى فعلا كلامك صح ... وده بيضايقنى جدا لانهم بيضيعوا عليه فرصة انهم يفتكرونى غلط وابين فى الاخر ان الكلام صح ... بس محاولتش اعملها فى الامتحانات قبل كده ... اصلى بينى وبينكم حلمت قبل كده انى عملتها وبعدها شفت الدكتور ... فى الحلم طبعا ناكش شعره وماسك الورقة بتاعى وعمال يصوت ويقول ايه ده ... مين التيييييييييييييييييت ده واكتشفت انى مش هاعرف ادخل اقوله مين فينا اللى تييييييييييييييييييييييت ....
المهم بقى ايه اللى فكرنى بالكلام ده ... انا من اسبوع كنت داخل الامتحانات دى وانا لا افقه شئ فى اى شئ ... وطبعا كليتنا المصونة عاملة الامتحانات 3 ايام فى الاسبوع على اساس اننا فى ابتدائى يعنى ...ده غير ان حبايبنا الحلوين ظبطونا فى اسبوع ميدترمات وشفوى وعملى فى الاسبوع اللى قبل الامتحانات على طول فالواحد مش عارف ياخد نفسه فى اى حاجة ... وطبعا بما انى فى اخر سنة فالخبطة هتوجع بجد ... ومعرفش بصراحة ايه اللى حصل اليومين اللى فاتوا دول بس اللى افتكره انى فعلا كنت خلاص هاغرق بس دلوقتى حاسس انى عايم اهو على وش المياه وبطلع لسانى لابوهانى
قام اخونا واقف فى مكانه وبص لفوق شوية كده ولقيت اللى كان هيموت على نفسه من الضحك ومن يوميها لحد دلوقتى وكل اما نقعد قعدة فرفشة مع الشلة يفكرنى بيها....
اصلى بعيد عنكم ساعات لما بحب ارد على موضوع بطريقة سينمائية اقوم اجيب كلام ملوش دعوة بالدنيا اساسا .. قال يعنى كده فلسفة بقى ... بس ساعات واللهى بيتفهم والاقى الناس قالتلى فعلا كلامك صح ... وده بيضايقنى جدا لانهم بيضيعوا عليه فرصة انهم يفتكرونى غلط وابين فى الاخر ان الكلام صح ... بس محاولتش اعملها فى الامتحانات قبل كده ... اصلى بينى وبينكم حلمت قبل كده انى عملتها وبعدها شفت الدكتور ... فى الحلم طبعا ناكش شعره وماسك الورقة بتاعى وعمال يصوت ويقول ايه ده ... مين التيييييييييييييييييت ده واكتشفت انى مش هاعرف ادخل اقوله مين فينا اللى تييييييييييييييييييييييت ....
المهم بقى ايه اللى فكرنى بالكلام ده ... انا من اسبوع كنت داخل الامتحانات دى وانا لا افقه شئ فى اى شئ ... وطبعا كليتنا المصونة عاملة الامتحانات 3 ايام فى الاسبوع على اساس اننا فى ابتدائى يعنى ...ده غير ان حبايبنا الحلوين ظبطونا فى اسبوع ميدترمات وشفوى وعملى فى الاسبوع اللى قبل الامتحانات على طول فالواحد مش عارف ياخد نفسه فى اى حاجة ... وطبعا بما انى فى اخر سنة فالخبطة هتوجع بجد ... ومعرفش بصراحة ايه اللى حصل اليومين اللى فاتوا دول بس اللى افتكره انى فعلا كنت خلاص هاغرق بس دلوقتى حاسس انى عايم اهو على وش المياه وبطلع لسانى لابوهانى
7 comments:
بالتوفيق يا باشا ويارب تعوم لحد ما توصل شط النجاه والنهايه السعيدة بالتخرج من الكليه ان شاء الله
رئيس جمهورية نفسى
يسمع من بقك ربنا ... وشكرا على التشريفة الجامدة اوى دى
ايه ده ؟
الامتحانات عملت فيك كل ده ؟؟؟
ههههههههههه
يلا ربنا ييسرلك أمورك وتخلص بقى
وتتعلم العوم من غير غرق لا قدر الله
دمت بخير اخى
سالى
هوه انتى شفتى حاجة ...يلا اهى هانت وان شاء الله تخلص على خير
شكرااا على مرورك
معلش اتأخرت عليك ولا انت اللى استعجلت ونزلت البوست الجديد
المهم ربنا يوفقك وتخلص على خير وتعوم وتوصل لشط الامان ..
دمت بخير وتفوق ان شاء الله
تحياتى
rovy
واللة انا ما بمتحن يا محمد بس حسيت بالنيابة عنك بالاحباط
كان اللة ف العون
انت حالتك صعبة جدا
فينك يا فيلسوف ليه مفيش جديد
ان شاء الله تكون بخير
تحياتى
Post a Comment