هل انا اول من يكتب هذا الكلام ؟؟؟
هل انا اول من فكر هذا التفكير؟؟
هل قرات انت هذا الكلام من قبل ؟
هل انا حتى اول من سأل هذه الاسئلة ...وهل اجاب عليها احد من قبلى او احد غيرك ؟
مش عارف
بجد واللهى مش عارف... ساعات بحس ان كلامى مجرد تكرار لناس بيسمعوه لاول مرة بس رد فعلهم برده مجرد تكرار لردود فعل الناس اللى سمعوه برده اول مرة ...طيب هيه اول مرة دى اساسا كانت امتى ؟
ومش جايز يكون اللى قالها اول مرة برده كان حاسس انه بيكرر ... تصدق ده نفس الاحساس اللى عندى يبقى ممكن اكون انا صاحب اول مرة !!!؟
برده لسه مش فاهم اللى انا عاوز اقولهولك ...اقولك بطريقة تانية
انا فاكر انى فى الاعدادى اتجنيت فى عقلى مرة كده وقلت لواحد صاحبى اكون او لا اكون ..طبعا صاحبى رد عليه وقاللى انت هتعملى فيها شكسبير ياعم ...مين هوه شكسبير ده!!!؟
ايوة بالظبط كده يعنى انا مكنتش اول واحد قال الكلمة دى وممكن شكسبير برده ميكونش اول واحد !!!؟
طيب لو مكنتش انا اول واحد فكر بالطريقة دى يبقى اكيد واحد زى شكسبير يكون برده فكر بالطريقة دى ... ولما واحد زى شكسبير يفكر بالطريقة وما يبطلش كتابة يبقى اكيد واحد زيى فكر بالطريقة دى ما يبطلش كتابة وده لان رد فعلى نفس رد فعل اول واحد فكر بالطريقة دى
وكفاية كده بقى علشان انا كده حاسس انى قديم اوى
