خلاص بيتهيالى عبرنا عن غضبنا اليومين اللى فاتوا وبرضه محصلش اى تغيير ... وبيتهيالى برضه زهقنا من توجيه الاتهامات للحكومة و محصلش اى تغيير
يبقى لازم نشوف اتجاه تانى نتحرك فيه ... لان واضح جداا اننا بننده فى مالطة ... مفيش حد بيسمع حاجة وحتى لو سمعوا بيطنشوا ...
والناس برضه اللى بتنادى بثورات واضرابات ... واضح جداا ان كلامهم مش منطقى ... عارفين ليه ... لان الكلام لو حصل احنا هنكون اول ناس خسرانة ... والبلد برضه هتكون خسرانة ...
طيب لما مريض السكر بييجى يعمل عملية جراحية ... قبل مابيعملوله العملية بيبداوا الاول يظبطوله السكر والضغط ويطمنوا على استقرار حالته وبعدين يبداوا العملية...
بالظبط هوه ده اللى لازم نعمله فى الاول ...نحاول نظبط حالة البلد قبل مانحاول نفكر فى حل جذرى ...نبدا نحارب الفساد اللى موجود خطوة خطوة لحد مايقل وصدقونى الباقى هيحارب نفسه بنفسه...
وبيتهيالى الفرصة موجودة اننا نوجه ضربة قوية متمثلة فى وقف صفقة تصدير الغاز لاسرائيل ... ودى لو حصلت هتكون بداية كويسة هتدى ثقة لينا فى القدرة على مواجهة الفساد فى اكبر صوره ... وفى نفس الوقت هتكون سبب فى فضح سياسات الدولة الخفية اما الشعب كله
وعلى الاقل لو مانجحناش بوقف الصفقة نهائيا نطالب برفع السعر من 1.5 دولا للوحدة ل 12 دولا للوحدة وده السعر العالمى الموجود دلوقتى ... ده غير طبعا اننا هنطالب ان الصفقة تكون مباشرة مابين الحكومة المصرية واسرائيل وايقاف الشركة الوسيط فى الموضوع لان الشركة دى لوحدها بتاخد سمسرة 2 دولار للوحدة ... لانها بتستلم الغاز من الحكومة ب 1.5 دولار وتسلمه لاسرائيل ب 3.5 دولار
ده اصلا غير ان حسين سالم باع نصيبه فى الشركة لمستثمرين اجانب يعتقد انهم اسرائيلين ...يعنى حتى السمسرة بتروحلهم
ارجو ان الحملة دى تبدا من المدونات لانها المكان الوحيد اللى لسه مافقدش مصداقيته عند الناس ولان برضه عدد المدونات فى مصر مش قليل ...
وياريت كل اللى يدخل ويقرا الموضوع ده ويقتنع بيه يبدا فورا بعمل موضوع عنده لعرض الفكرة ...
وانا باقترح ان الاسبوع القادم يكون مقتصر فى كل المدونات المصرية على الموضوع ده .... ولكم منى جزيل الشكر
يبقى لازم نشوف اتجاه تانى نتحرك فيه ... لان واضح جداا اننا بننده فى مالطة ... مفيش حد بيسمع حاجة وحتى لو سمعوا بيطنشوا ...
والناس برضه اللى بتنادى بثورات واضرابات ... واضح جداا ان كلامهم مش منطقى ... عارفين ليه ... لان الكلام لو حصل احنا هنكون اول ناس خسرانة ... والبلد برضه هتكون خسرانة ...
طيب لما مريض السكر بييجى يعمل عملية جراحية ... قبل مابيعملوله العملية بيبداوا الاول يظبطوله السكر والضغط ويطمنوا على استقرار حالته وبعدين يبداوا العملية...
بالظبط هوه ده اللى لازم نعمله فى الاول ...نحاول نظبط حالة البلد قبل مانحاول نفكر فى حل جذرى ...نبدا نحارب الفساد اللى موجود خطوة خطوة لحد مايقل وصدقونى الباقى هيحارب نفسه بنفسه...
وبيتهيالى الفرصة موجودة اننا نوجه ضربة قوية متمثلة فى وقف صفقة تصدير الغاز لاسرائيل ... ودى لو حصلت هتكون بداية كويسة هتدى ثقة لينا فى القدرة على مواجهة الفساد فى اكبر صوره ... وفى نفس الوقت هتكون سبب فى فضح سياسات الدولة الخفية اما الشعب كله
وعلى الاقل لو مانجحناش بوقف الصفقة نهائيا نطالب برفع السعر من 1.5 دولا للوحدة ل 12 دولا للوحدة وده السعر العالمى الموجود دلوقتى ... ده غير طبعا اننا هنطالب ان الصفقة تكون مباشرة مابين الحكومة المصرية واسرائيل وايقاف الشركة الوسيط فى الموضوع لان الشركة دى لوحدها بتاخد سمسرة 2 دولار للوحدة ... لانها بتستلم الغاز من الحكومة ب 1.5 دولار وتسلمه لاسرائيل ب 3.5 دولار
ده اصلا غير ان حسين سالم باع نصيبه فى الشركة لمستثمرين اجانب يعتقد انهم اسرائيلين ...يعنى حتى السمسرة بتروحلهم
ارجو ان الحملة دى تبدا من المدونات لانها المكان الوحيد اللى لسه مافقدش مصداقيته عند الناس ولان برضه عدد المدونات فى مصر مش قليل ...
وياريت كل اللى يدخل ويقرا الموضوع ده ويقتنع بيه يبدا فورا بعمل موضوع عنده لعرض الفكرة ...
وانا باقترح ان الاسبوع القادم يكون مقتصر فى كل المدونات المصرية على الموضوع ده .... ولكم منى جزيل الشكر
13 comments:
بجد حاجة تغيظ رايحين يدوا الغاز لاسرائيل ببلاش تخيل بعنى احنا بنقدم االدعم لاسرائيل
حاجة غريبة وتفرس
وتحياتى لك
السلام عليكم
اخى الفاضل اتمنى ان كلامك يكون صح واننا نقدر نعمل حاجه صح بس فيه ناس كثير اتكلمت فى الموضوع ده وكأنها بتأذن فى مالطا على كل حال نجرب
ايه اللى تحب اننا نبدأ به
واكيد كلنا حنكون معاك ..
وفقك الله وجزاك خيرا
تحياتى
rovy
انا في الحملة دي
انا مستعدة لاي حاجة وح اشتغل فيها بحماس
وباقترح اننا نعمل مدونة مشتركة
نجمع فيها حقائق الصفقة دي
وازاي خسرنا فيها
ونفهم الناس بالظبط ايه الحكاية
وانا مستعدة اعمل باللو كبير عندي في المدونة
الميل بتاعي اهو
nawaranegm@yahoo.com
ومعاكوا في اي حاجة
ياريت يا جماعة تبداوا تدعوا بقيه المدونين للحملة دى ... وهنتفق ان الاسبوع الجاى كلوا محدش يكتب فى اى حاجة غير الموضوع ده
وبالنسبة لاقتراحك يا نوارة عن المدونة المشتركة ...فهى فكرة كويسة ...بس نجمع الاول مجموعة كبيرة من المدونين
عاشت المحلة مركز المقاومة الشعبية :D
ايه ده انت من المحلة !!
وبتفتح في قضية الغاز الطبيعي
بصراحة فى قواضى كتير عايزة تتفتح وانا بقترح يفتحوا مادة جديدة في الضاستور ان من حق الشعب انه يرفع قضية على الحكومة علشان نخرب بيتها ونجرجرها في الاقسام والمحاكم :D
ايه اللي انت قولته عندى في المدونة ده :D
رافت هجان وعيال بتجري ويمب !!
بمبة لما تضرب في دماغك يا شيخ :D
وايه ادخل من اوطى مكان ديه .. شكلك بتلمح على اني قصيرة يا خبيث .. وانا لا اسمح .. لا اسمح .. لا اسمح بهذا التجاوز .. انا اشجب واندد واهدد
وهعمل بوست مخصوص عندي واشن حملة شنعاء هوجاء علي بتوع المحلة وهشغلك رافت الهجان واي حد من المحلة هضرب عليه بمبة
يالا سلام
انا كمان موافقه على الحملة دى
ومشتكرة معاكو ان شاء الله
سبقتكم ونشرت الخبر فى تدوينتى "لاتتخذوهم اولياء"
ربنا يوفقنا جميعا ويرفع غضبه ومقته عنا
صديقى العزيز
طالما الآذان فى مالطة والمصليين فى مصر
ماتيجى نعمل حاجه تانى بدل ما نفضل نكتب بوستات لا تقرآ
وكمان حتى لا تحجب المدونات كما سيحدث مع الفيس بوك
اقرا الموضوع ده
منظمات حقوقية تحذر من اعتزام الحكومة المصرية حجب موقع الفيس بوك
http://www.saveegyptfront.org/news/?c=180&a=14453
......
احنا ممكن نوصل صوتنا للمسؤل مباشرة
ده موقع وزارة التجارة الخارجية
http://www.economy.gov.eg/
يمكن نقدر نعمل حاجه
ولو كانت
اللهم بلغت فاشهد
تحياتى وتقديرى
رئيسة حزب الاحلام
احنا بنتسرق علنى ... لان الغاز ده من موارد البلد وياستى بدل ماكانوا يغلو سعر البنزين علينا احنا كانوا يغلوا سعر الغاز عليهم ... هيه فعلا واللهى حاجة تفرس
-----------------------
rovy
اهو نعمل اللى علينا بدل ما نقعد نشتم فيهم وخلاص ... جايز لما نطلب منهم باحترام يحسوا على دمهم شوية
وان شاء الله هاجمع معلومات عن الموضوع ده واحطها فى بوست علشان نعرف الاول الموضوع ماشى ازاى وايه اللى ممكن نطلبه ويكون فى مقدورهم ينفذوه فى نفس الوقت
---------------------------
جبهة التهييس الشعبية
انتى اضافة كبيرة يا نوارة ... وشكرا على تواجدك ... وان شاء الله هنرفع سعر الصفقة دى يااما هنلغيها خالص
miss sosa
تعيش تعيش تعيش ...
لا علشان خاطرى بلاش نقولهم يفتحوا فى الدستور تانى علشان كل اما بيفتحوه وييجوا يخيطوه تانى بيخيطوا على صوابعنا
وبعدين ايه ده ... تضربى بمب على حد من المحلة ... كان غيرك اشطر ... وحظك حلو ان مفيش حد محلاوى تانى بيدخل المدونة دى ... انا لو منك استخبى يومين كده
-------------------------------
desert cat
احنا متشكرين جدا لاشتكارك فى الحملة ... ومبدايا ان شاء الله اعملى حسابك فى بوست يوم الجمعة الجاية عن الموضوع ده
--------------------------------
كاميليا
بالنسبة لحجب موقع الفيس بووك فده حسب معلوماتى احتمالاته ضعيفة جداااا ... لان باكستان كان لها تجربة فى الموضوع ده وبمجرد انهم قطعوا النت عنها ساعتين ...رجعت فى كلامها لان طبعا كل حاجة فى البلد هتتضرب
وبالنسبة لموضوع البوستات فالهدف منها اننا نحول القضية لقضية راى عام ... تبقى الناس كلها عارفة ان الغاز بتاعنا بيتسرق ... وبالنسبة للرسايل فدى فكرة جميلة وان شاء الله تكون مع الحلول المطروحة
monaliza
امييين ياااارب
محاربة الفساد تبدأ بكشفه يعني اول خطوة علشان تموت الفار انك تعرف مكانه وبعدين تكشف الحاجات اللي هو مستخبي وراها وبعدين حتموته انت ا1ذا هو ما متش من الرعب
أحلى حاجة فى حكومتنا دى كرمها
لأ ومش اى كرم
ده كرم حاتمى كمان
يعنى هيه خلاص ماشية تتسول وولادها مش لاقيين ياكلوا وعماله تاخد حته من الناحية دى تنقص حته من الناحيه دى على راى فيروز الصغيرة
ويوم ما تعمل فيها ام البطل وتبعزق من جيب الشعب .. تدى لاسرائيل
أصل يعينى اسرائيل غلبانة والمقاومة الفلسطينية استنزفت كل مواردها ومعدتش لاقيه
وبعدين اسرائيل لازم تعيش عشان كلنا نموت
حسبى الله ونعم الوكييييييييييييل
Post a Comment