بجد مش عارف اكتب فى الموضوع ده ولا بلاش ....!! بقالى ساعة محتار مش عارف اخد القرار...اكتب ولا مكتبش ؟
طيب نطلع الرحلة انا وصحابى ولا نروح نتفسح لوحدنا احسن ؟؟ بجد برده الاقتراحين احسن من بعض لدرجة اننا مش قادرين ناخد القرار..!!
طيب الكلية عندنا ترجع ميعاد الامتحانات الساعة 10 زى الاول ولا تخليه الساعة 12 زى ما هوه ؟؟ القرار الاول هيزعل ناس والتانى مش هيفرح حد ..فعلا قرار مش سهل
طيب سؤال برده هوه جمال مبارك هيرشح نفسه ولا مش هيرشح؟؟ما هوه لو قال هارشح هيفتح على نفسه بوابة ملهاش لازمة ..ولو قال لا ورشح نفسه هيكون كداب ومينفعش يبقى رئيس دولة كداب...طيب يعمل ايه ..واللهى انا محتارله سلف
طيب سؤال اخير بقى علشان انا كده رخمت اوى احنا مع امريكا ولا مش معاها ..هه..بتقول ايه؟؟
انا اقولكم اجابة الاسئلة دى كلها قالها جمال عبد الناصر.."احنا دولة عدم انحياز".. يعنى انا هاكتب لو الظروف سمحت ومش هنطلع الرحلة لو مفيش وقت ومعاد الامتحانات هيبقى الساعة 10 لو الدنيا حر و 12 لو الجو ساقعة وجمال يستنى لما الشعب يتعود عليه ومحناش وع امريكا بس مش ضدها
يعنى ببساطة خليها على الله ومحدش بيبات من غير عشا وربك لما يريد احلامنا هتتحقق والنهاردة السبت وبكره الحل وانسى كبر دماغك
ثقافة شعب وحضارة امة... تاريخ وطن وشخصية بلد ...للاسف شخصية مصر
No comments:
Post a Comment