من بالظبط مش عارف كام شهر كده لقيت الاهرام جايبة واحدة بتكتب كل يوم سبت مقالة بتاع تلات اربع صفحة ..طبعا انا مشغلتش بالى بالكلام الفارغ ده ...انا راجل وراه مشاغل
تانى يوم.. سبحان الله يعنى ..قابلت واحد صاحبى سالنى كده على طول شفت يالا سناء البيسى امبارح؟ قلتله طبعا ..سناء البيسى مين؟؟
قاللى اللى كانت كاتبة فى الاهرام امبارح..وطبعا بصفتى راجل نبيه وافهمها وهيه طايرة قلتله آآآآه ..لالا .. انا شفت المقالة بس كسلت اقراها ..عملت خير انا ماما قالتلى انها ست رغاية
وفعلا قعدت تلات اسابيع اخد المقال بتاعها علشان افرشه على الطرابيزة وانا باكل... لحد خير الله اما اجعله خير...لقيتها كاتبة مقاله عنوانها "المعجبانى"...طبعا العنوان شدنى بصفتى يعنى بحب تحليل الشخصيات والكلام اللى ملوش لازمة ده ..وقلت اما اقرا كلمتين وعينك ما تشوف الا النور عدت ربع ساعة حاسس انى مرمشتش فيهم ..والحق يتقال انا عمرى ما عشت الحوار كده غير معى انيس منصور
ويوم ورا التانى بقيت بستنى يوم السبت علشان اقرا المقالة بتاعها وبقيت باكل على صفحة الوفيات وباخد صفحة ست الستات اعينها عندى فى درج الادب
No comments:
Post a Comment